რაზე ვწერდით 2022-ში. JAMnews-ის საუკეთესო მასალები საქართველოდან
მექსიკის გავლით ამერიკაში - ქართველების მძიმე გზა ახალი ცხოვრებისკენ
ნახევარ წელიწადზე მეტია, საქართველოს ათასობით მოქალაქე, არალეგალურად კვეთს მექსიკა-ამერიკის საზღვარს და ამერიკელ მესაზღვრეებს ბარდება. ისინი რისკავენ ჯანმრთელობით და სიცოცხლით, რომ ამერიკაში მოხვდნენ.

რატომ არის გაუსაძლისი სამშობლოში დარჩენა და როგორ ხვდება მათ საოცნებო ამერიკა. ამ სტატიაში JAMnews-ის კორესპონდენტი ნინო ნარიმანიშვილი ახალი ემიგრანტების ამბავს ჰყვება. ეს ამბები გულგრილს ვერავის დატოვებს.


წაიკითხეთ

ნასოფლარების მხარე. რეპორტაჟი მიტოვებული თრუსოს ხეობიდან

JAMnews-ის ჟურნალისტების, სოფო ზედელაშვილის და დავით ფიფიას რეპორტაჟი სრულიად დაცლილი თრუსოს ხეობიდან, სადაც ოდესღაც ოსები და ქართველები ერთად ცხოვრობდნენ.

ზამთარი თრუსოში მკაცრი და თოვლიანია. აცივდება თუ არა, ხეობა ყრუდ იკეტება. აქ ერთ სოფელში წლებია მხოლოდ ერთი ქალი ცხოვრობს - სიმა ბედიხოვა თავის ისტორიას ჰყვება.

სტატიის ნახვა
"რომ თენდება, ვამოწმებ, რა ხდება უკრაინაში". უკრაინაში დაღუპული ქართველი ნათესავების მონოლოგები
"რუსეთი რომ უკრაინაში შეიჭრა, იმ დროს პოლონეთის ბილეთი უკვე ნაყიდი ჰქონდა. იქიდან ამერიკაში უნდა წასულიყო მექსიკის გავლით, ისე, როგორც ყველა. ომი რომ დაიწყო, მაშინვე თქვა, ამერიკაში კი არა, უკრაინაში უნდა მივდიოდეო," - ამას დავით გობეჯიშვილის ცოლი იხსენებს, უკრაინაში დაღუპული ქართველი მებრძოლის.

24 თებერვლიდან დღემდე უკრაინაში 28 ქართველი დაიღუპა. ხატია ღოღობერიძე მათ ოჯახის წევრებს ესაუბრა.


სტატიის ნახვა
10 წელი "ქართულ ოცნებასთან"
10 წელი გავიდა მას შემდეგ, რაც 2012 წლის 1 ოქტომბერს “ქართულმა ოცნებამ” საპარლამენტო არჩევნებში გაიმარჯვა და ქვეყნის სათავეში მოვიდა. ბიძინა ივანიშვილის მიერ დაფუძნებული პარტია დიდი გეგმებით და დაპირებებით მოვიდა. რა წარმატებებს მიაღწია ამ გუნდმა და რა წარუმატებლობები უკავშირდება "ქართულ ოცნების" მმართველობის ათწლიან პერიოდს?
ამ კითხვით JAMnews-მა სხვადასხვა სფეროს ექსპერტებს მიმართა 
სტატიის ნახვა

სამკურნალოდ თურქეთში

ყოველწიურად ათასობით ქართველი მიდის მეზობელ თურქეთში იმისთვის, რომ იმკურნალოს. ქართველები სულ უფრო ნაკლებად ენდობიან საკუთარ ქვეყანაში დასმულ დიაგნოზს, იღებენ ვალს, სესხს და მიდიან სტამბოლში, რომ დიაგნოზი გადაამოწმონ და სწორი მკურნალობა დაიწყონ. 

მარადია ცაავა ჩავიდა სტამბოლში, რომ ენახა, რას სთავაზობენ იქაური კლინიკები პაციენტებს ისეთს, რასაც ვერ სთავაზობს ქართული ჯანდაცვა. ეს მასალა იმაზეა, თუ რატომ იქცა თურქეთი საქართველოს მთავარ საავადმყოფოდ.
სტატიის ნახვა
"დედა თითქოს პატარა გოგო იყო". როგორ ცხოვრობენ საქართველოში ადამიანები დემენციით
საქართველოში დაახლოებით 40 ათასი ადამიანი ცხოვრობს დემენციის სხვადასხვა ფორმით, თუმცა მათთვის სპეციალური სერვისები არ არსებობს. მათი მოვლა და მკურნალობა მთლიანად ოჯახის წევრების საქმეა.

სტატიის ნახვა
საქართველოს ცივი სამხრეთი
საქართველოში ცხოვრობს რამდენიმე ათეული ათასი მოქალაქე, რომლებიც თითქმის სრულად სხვა ქვეყანაზე არიან დამოკიდებული - ოჯახებს რუსეთში ნაშოვნი ფულით არჩენენ. გარდა ამისა, მათ აქვთ რუსული და სომხური პასპორტები, ინფორმაციასაც ძირითადად რუსული და სომხური მედიით იღებენ.

პროექტის მიზანია გაარკვიოს, რატომ მოხდა ასე. არის თუ არა რუსული გავლენა რეგიონზე მზარდი და უქმნის თუ არა ის საფრთხეს იქ მცხოვრები მოსახლეობის კეთილდღეობას, საქართველოს სახელმწიფოებრიობას და რეგიონის სტაბილურობას.
სტატიის ნახვა
"ყოველ მესამე მანქანას Z ასო აქვს მიწებებული" - რუსეთის მოქალაქე ყვება რა გზა გამოიარა მოსკოვიდან თბილისში ლარსის გავლით
24 წლის დიმიტრი რუსეთის მოქალაქეა, რომელიც ზემო ლარსის გავლით საქართველოში 25 სექტემბერს შემოვიდა. იგი უყვება JAMnews რა გზა გამოიარა მოსკოვიდან თბილისამდე.

როგორ ხვდება საქართველო რუსეთიდან და ბელარუსიდან ემიგრანტებს.

„თუ საზღვარს ჩაკეტავენ, ერთადერთი გზა დარჩება - გზა ომში“ . რუსეთიდან გამოქცეულების ისტორიები.
სტატიის ნახვა

აფხაზეთის ომი. როგორ დაიწყო და განვითარდა კონფლიქტი - ქრონოლოგია

როგორ დაიწყო კავკასიის ერთი-ერთი ყველაზე სისხლიანი კონფლიქტი - ქართულ აფხაზური ომი. როგორია იმ ტრაგიკული მოვლენების ჯაჭვი, რომლებმაც ქვეყანა ომამდე მიიყვანა; როგორია მათ შორის მიზეზ-შედეგობრივი კავშირი.

ჩვენ ვთხოვეთ ქართველ და აფხაზ ექსპერტებს - პაატა ზაქარეიშვილს და ინალ ხასიგს გაეხსენებინათ აფხაზეთის ომის 20 ყველაზე მნიშვნელოვანი მოვლენა. ორი ვერსია, ორი ხედვა კონფლიქტის ორივე მხრიდან - რა არის საერთო და განსხვავებული. ნახეთ JAMnews-ის პროექტი თბილისიდან და სოხუმიდან
სტატიის ნახვა

"მე ჩემი კვერცხუჯრედები გავყინე"

კვერცხუჯრედების გაყინვა, იგივე კრიოკონსერვაცია თანამედროვე მედიცინის მიღწევაა, რომელმაც მსოფლიოში ათასობით ქალს საშუალება მისცა გადაწიონ რეპროდუქციული ასაკი და გააჩინონ ბავშვი მოგვიანებით.

რამდენად ხშირად და რა მიზეზებით მიმართავენ საქართველოში ქალები კრიოპრეზერვაციას.

სტატიის ნახვა

"მამაჩემი კრიმინალური ავტორიტეტია"

კანონიერი ქურდებისა და კრიმინალური ავტორიტეტების აღზევების ხანა საქართველოში 90-იანი წლები იყო. ეს იყო დრო, როდესაც თითქმის ყველა გოგო კრიმინალური ავტორიტეტის ცოლობაზე ოცნებობდა, პატარა ბიჭები კი, კითხვაზე, რა გინდა გამოხვიდე რომ გაიზრდები, პასუხობდნენ - კანონიერი ქურდი. ეს იყო ხანა, როდესაც დანაშაული რომანტიზებული იყო, კრიმინალები კი რაინდებად მიჩნეული. მას შემდეგ საქართველო ძალიან შეიცვალა, კრიმინალთან და ორგანიზებულ დანაშაულთან ბრძოლაშიც დიდ პროგრესს მიაღწია. თუმცა, მემკვიდრეობას, რომელიც ამ სამყარომ დატოვა, ქვეყანამ დღემდე ვერ დააღწია თავი.

JAMnews-ის ამ პროექტში სამი მონოლოგია, სადაც შვილები ჰყვებიან საკუთარ მამებზე - კრიმინალური ავტორიტეტებზე. ისინი იხსენებენ ბავშვობას, ტრავმებს და მამებთან ურთიერთობას.

სტატიის ნახვა
ასევე, ჩვენ ძალიან ვამაყობთ ჩვენი ტელეგრამ არხით, სადაც უკრაინის ომის ამბებს ვაზიარებთ უწყვეტ რეჟიმში
გამოგვყევით
დიდი მადლობა, რომ ჩვენთან ხართ!
email: jam.news.editor@gmail.com
Made on
Tilda