რა მოხდა: უკრაინის ომის ფონზე სამმა ქვეყანამ - უკრაინამ, საქართველომ და მოლდოვამ ევროკავშირის წევრობაზე განაცხადს მოაწერეს ხელი. ივნისში ევროკავშირმა უკრაინასა და მოლდოვას ევროკავშირის კანდიდატი ქვეყნის სტატუსი მიანიჭა, ხოლო საქართველოს – არა. თუმცა, ევროკავშირმა საქართველოს ევროპული პერსპექტივა აღიარა და აღნიშნა, რომ შემდეგ ეტაპზე გადასასვლელად ქვეყანამ კონკრეტული თორმეტი
რეკომენდაცია უნდა შეასრულოს. ჩამოთვლილ პუნქტებს შორისაა ქვეყანაში პოლიტიკური პოლარიზაციის აღმოფხვრა, დეოლიგარქიზაცია, საარჩევნო და სასამართლო რეფორმები, მედიის მფლობელების წინააღმდეგ აღძრული სისხლის სამართლებრივი საქმეების საკანონმდებლო სტანდარტებთან შესაბამისობაში მოყვანა, თავისუფალი და პლურალისტული მედიაგარემოს უზრუნველყოფა.
რატომ არის მნიშვნელოვანი: ევროკავშირს რეგიონული გაფართოებები ახასიათებს. თუ უკრაინა და მოლდოვა შეუერთდებიან ამ ორგანიზაციას, ხოლო საქართველო ბორტს მიღმა დარჩება, მაშინ საქართველოს მოუწევს სხვა პარტნიორები ეძებოს ევროკავშირთან დასაახლოებლად.